雖然呢幾日好忙，但係都好想記錄低Beth 同Fraser 開學嘅事！每一日佢地放學返嚟都好興奮，係咁喋喋不休咁話俾我聽學校嘅事！
家姐因為比同學仔選咗做班長而好開心，佢話有15個同學投咗票俾佢，又話班長會企喺最前帶啲同學去禮堂，每一日都要負責要去校務處攞嘢，講到好忙咁樣！😂
花灑哥亦都好投入小學雞嘅生活，佢話俾我聽已經識咗朋友，佢自己走去問人哋：你可唔可以做我朋友？又話老師讚佢乖，送咗包爆炸糖俾佢食！
兩個真係超級可愛！感恩佢哋都入到一間好嘅學校，希望佢哋每一日返學都可以開開心心啦！
#bethchan #fraserchan #花灑哥